El PP diz que crear una empresa pa los parques de bateríes ye crear "otru chiringu"

Alonso critica que Zapico retrasare una selmana l'aprobación de les directrices d'inxerimientu de la Cuota

El Partido Popular d’Asturies calificó güei de “nuevu chiringu” la propuesta avanzada esta selmana pol conseyeru d’Ordenación del Territoriu, Ovidio Zapico, sobre l’anuncia de crear una empresa pública d’enerxía que s’encargue del desendolcu de les instalaciones de bateríes.

En referencia al mesmu, el diputáu autonómicu Rafael Alonso pide al presidente del Principáu, Adrián Barbón, “manifestar la so opinión sobre l’anunciu del so conseyeru” y que lu "desautorice" enantes de la celebración d’esa comisión estraordinaria de la Comisión d’Urbanismu (Cuota) anunciada pal miércoles viniente.

“Los parques de bateríes necesiten regulación, Asturies necesita protexer el so mediu rural y los asturianos necesitamos un gobiernu que dea soluciones y nun faga anuncies pa xenerar nueves polémiques”, señaló Alonso nun comunicáu nel que recuerda qu’IX votó nel parllamentu asturianu a la escontra de la propuesta del PP pa la regulación d’estes instalaciones.